Lou Ramìe dë Pineirôl (ërcounouisù coum D.O.C.) l’ê un vin dë mountannho e sa proudusioun ilh ê limitâ a lâ Cumuna dâ Poumaré e dë Peirouzo.
 pillho soun nom dai “ramìe”, coum un nommo ën patouà lî baroun dë ramma. L’ê un nom qu’ërmounto â mouaién-agge, cant lh’abitant avin coumënsà a dësbouscâ lou post për lei plantâ lâ vinnha. Për soutënî la vîs sënso quë lou tërén eicaiasése, la s’ë fait dë bari murà a péiro eisuto, quë lei soun ëncâ euiro e quë dounën â paizagge sa foùërmo e soun caractére. Ëncaro â joùërn d’ënqueui lâ sevéra règgla dë proudusioun, definiâ cant lou Ramìe ê ità classificà coum “Pinerolese Ramìe D.O.C.” ënt â 1996, volën quë lou vin sie tirà da dë calità dë vis d’eiquëtti post: l’Avanà (30%), l’Avarengo (min. 15%), la Neirëtto (min. 20%) e da d’aoutra vis oou l’ùo ruso, pâ aroumatica, për un masim dâ 35%. Lou Ramìe l’ê un vin roû roubin oou uno bèllo ëntënsità, qu’un apresìo për soun përfum dë frûto rouso e d’ëspessia, e për lou gust plen, chaout e elegant, ooub uno gradasioun alcolico dë pâ mënc dë 10% Vol. «Lâ Chabranda» fai partìo, doou lou 2009, dë la Strada Reale dei Vini Torinesi, asouchasioun ubèrto deizëntërësâ qu’à lou but dë deivloupâ laz ëmpréza agricoula e touristicca, atravèrs la coulabourasioun oou laz ëstitusioun, e qu’ourganizo dë vëzitta ënt î pì belli post dë la prouvincho dë Turin, surtout për soc ërgardo l’eritagge dî Savoia.