Mountâ a l’alp oou lâ bèstia cant l’aribbo l’ità l’ê ëncaro un’abituddo qu’un à mantëngù, coum la s’ê sampre fait d’eiquëtti caire. L’aziëndo ënlèvo dë vaccha e dë vèel dë rasa difrënta, da carn a da lait, qu’ënrichisën la cuzino dë lour savour: la carn dî vèel, la toummo, lou bûr frêc e lou sëras î pon èse sërvì a taoulo a l’agritourizme e calc vê un po lî chatâ.

Uno curiouzità l’ê lou Dahü, uno toummo dë lait qu’ê pâ îtà fait bulhî, stajounâ almënco dui mê, ooub uno fouërmo foro dë l’ourdinari, ënclinà d’un caire, për fâ souvënî lou daù, uno bèstio lëgënadrio quë paréi ën bien dë laz ëstoria dë la tradisioun.